Претседателот на Фудбалската федерација на Италија, Габриеле Гравина вели дека Јувентус ќе биде исфрлен од Серија А ако проектот „Суперлига“ стане реалност.
Нејасно е дали и каква казна ќе има од УЕФА за Јувентус доколку се формира Суперлигата, но Гравина беше многу јасен што ќе му се случи на клубот во Италија.
Јувентус е еден од основачите на Суперлигата и заедно со Реал Мадрид и Барселона остана да го турка проектот со надеж дека сепак ќе го реализира.
„Договорот е само хипотетички, но Јувентус ќе биде исклучен од Серија А доколку лигата стане реалност“, вели Гравина.
„Суперлигата е погрешен одговор за реалниот проблем. Италија мора да мисли како да ја направи лигата поатрактивна за странските пазари како што е арапскиот, каде што во моментов не е доволно застапена“.
