Двајца британски туристи се тешко повредени во напад на ајкула, додека нуркале во Австралија, соопштија властите.
Ајкулата на едниот турист му го одгризала стапалото, а на вториот ногата.
Туристите на возраст од 22 и 28 години, нуркале на островот Витсандеј кога се случил нападот, јави „АП“.
Спасувачите со чамец ги извадиле нуркачите на копно, од каде со хеликоптер биле превезени во болница во градот Макај, и се наоѓаат во сериозна, но стабилна состојба.
#RACQ #CQRescue arriving at Mackay Base Hospital at 12.40pm with two patients on board after a Shark attack in the Whitsundays. pic.twitter.com/UJy46tYEIi
— RACQ CQ Rescue (@cq_rescue) October 29, 2019
Од болницата соопштија дека 28-годишникот го загубил стапалото.
Во ноември, минатата година, ајкула уби 33-годишен маж во Витсандеј, а два месеци претходно нападнати беа двајца туристи, од кои 12-годишно девојче ја загуби ногата.
Зголемениот број на напади од ајкули, би можело да ја загрози посетеноста на светски познатата туристичка дестинација, наведе „АП“.
