Спортот е одлична активност за децата која дава навистина добри бенефити, и тоа не само физички. Влијае на поттикнување на социјалното однесување, јакнење на карактерот, самопочитување и самодоверба, навики за здраво живеење.
Преку тимскиот спорт се учат тимска работа, делење, самодисциплина, лидерство, толеранција, вештини за комуникација, пријателство, несебичност, работна навика, спортско однесување, фер плеј, спортски карактер и многу други работи. Сите овие работи децата можат да ги научат во фудбалската школа Карев.
ФК Карев е една успешна спортска приказна која е основана во 2017 година.Тренинзите се одржуваат во СРЦ Карев и Алумина во Карпош 3. ФК Карев брои 200 деца кои секојневно тренираат и другаруваат. За фудбалскиот развој се задолжени петмина лиценцирани тренери кои работат по западноевропски програми.
Неодамна, дечињата заедно со нивните тренери достоинствено се претставија себе си но и нашата земја на меѓународен фудбалски турнир кои што се одигра во соседна Бугарија. На турнирот освен ФК Карев учество зеде и тимот на Џокер од Валандово но и тимови како ЦСКА Софија, Локомотив Софија, Етар, Порто Црна Гора, Септември… а до минатата година година и младинските категории на ПАОК учествувале на овој турнир.
Меѓународниот Пирин куп Сандански се организира десетта година по ред.Во конкуренција на осум тимови дечињата од Карев генерација 2011 го освоија првото место. На фудбалските терени во Сандански дечињата беа подобри од своите врсници од Локомотив Софија, Витоша, Лавчета а во финалето го победија тимот на Метал Перник.
Момчиња минатата година на истиот куп го освоиле второто место се надеваат дека со голем труд и вежбање ќе го повторат успехот и следната година.
Инаку ФК Карев на Пирин куп учествуваше со три генерации 2010, 2011 и 2013. Дечињата генерација 2011 и 2013 ги освоија третите места во својата категорија.
Во периодот што следи покрај настапите на Детската лига при ФФМ, фудбалерчињата на ФК Карев ќе имаат можност да настапуваат на други меѓународни турнири. Во план е ФК Карев да учествува на силен турнир во Австрија.
Се надеваме дека во иднина ФК Карев ќе бележи добри резултати каде и да настапува и дечињата еден ден го облечат дресот на македонската репрезентација.
