Грчката полиција денеска пронајде камион ладилник со 41 мигрант на автопатот на северот на земјата.
Мигрантите, повеќето од нив Авганистанци, не се повредени, изјави неименуван полициски службеник, додавајќи дека системот за ладење не бил вклучен.
За време на рутински преглед, полицијата го запрела камионот кај градот Ксанти.
Според „Ројтерс“, возачот на камионот е уапсен.
