Германската авиокомпанија „Луфтханза“, денеска, откажа околу 600 лета поради штрајкот на екипажот, кој почна вчера. Најавено е дека штрајкот ќе трае 48 часа, а вчера беа откажани 700 лета. Со тоа се погодени речиси 180.000 патници, соопшти компанијата.
Синдикатот организира штрајк за спорот со „Луфтханза“ во врска со платите и правниот статус на синдикатот. Иако штрајкот треба да заврши денеска, од компанијата соопштија дека и утре ќе има последици во листата на летови бидејќи некои авиони и екипажи треба да се вратат на соодветните локации.
Синдикатот ги заштитува интересите на речиси 21 илјада вработени во „Луфтханза“.
