Турското Министертство за одбрана соопшти дека денеска при експлозија на автомобил-бомба загинале најмалку осум цивили во североисточниот дел на Сирија, во близина на градот Тал Абијад, кој е под контрола на Турција.
Министерството наведе дека 20 лица се повредени во нападот, обвинувајќи ги за тоа сириските курдски сили.
На 9 октомври Турција започна воена операција во североисточниот дел на Сирија против курдските Сили за заштита на народот, кои Анкара ги смета за терористичка организација и сириски огранок на Курдската работничка партија (ПКК).
