Шест лица се повредени во напад на бомбаш-самоубиец пред полициска станица во градот Медан, Индонезија.
Портпаролот на Националната полиција Деди Прасејо рече дека напаѓачот загинал, а четворица полицајци и двајца цивили се повредени на паркингот пред станицата.
Индонезиската антитерористичка единица „Денсус 88“ испитува дали станува збор за осамен случај или напаѓачот е поврзан со радикална група како „Џамах Аншарут“, која се огледа на Исламска држава и честопати напаѓа низ целата земја.
Мотивот за нападот е непознат, но во Индонезија, најнаселената муслиманска земја, бројот на напади на милитантни бунтовници врз полицијата е зголемен во последните години, пренесува „Ројтерс“.
