Речиси четвртина милион Чеси протестираа против премиерот и претседателот, обвинувајќи ги за поткопување на демократијата во оваа длабоко поделена нација, која утре ја слави 30-годишнината од Кадифената револуција.
Демонстранти од целата земја, со население од 10,7 милиони жители, се собраа во паркот Летна, веејќи чешки и европски знамиња на местото на масовниот протест во ноември 1989 година, кога мирно падна комунизмот во поранешна Чехословачка, непосредно по падот на Берлинскиот ѕид.
Многумина од присутните извикуваа „Тука сме“, како што правеа и демонстрантите пред 30 години за време на протестите што го доведоа на власт Вацлав Хавел.
Организаторите на протестите сакаат премиерот Андреј Бабиш да ги прекине врските со неговата компанија „Агроферт“, тврдејќи дека станува збор за судир на интереси или пак во спортивно бараат тој да поднесе оставка до крајот на годината. Бабиш негира какви било неправилности.
„Борбата за слобода и демократија никогаш не запира“, истакна Бенџамин Рол, потпретседател на организацијата „Милиони моменти за демократија“, која го организираше протестот.
Говорници, меѓу кои и поранешни дисиденти, кои исто така зборувале на митинзите во 1989 година, истакнаа дека Бабиш и претседателот Милош Земан не треба да ги запоседнат функциите.
