Кипарската полиција соопшти дека во прифатниот центар се сместени 120 мигранти од Сирија кои пристигнале со брод од Турција.
Полицијата соопшти дека 97 мажи, 20 деца, од кои 14 пристигнале без придружба од постаро лице, и три жени им кажале на властите дека секој од нив им платил на шверцерите со луѓе 3.620 евра за место на бродот.
Според АП, бродот бил забележан како плови кај Кејп Греко и бил придружуван до пристаништето.
Мигрантите рекле дека испловиле од јужниот турски пристаништен град Мерсин, откако ја преминале границата меѓу Сирија и Турција.
