Американскиот потпретседател Мајк Пенс во текот на денешната ненајавена посета на американските војници во Ирак ја критикуваше истрагата на демократите во Претставничкиот дом на Конгресот за отповикување на претседателот Доналд Трамп.
Во воздухопловната база Ал Асад, на западот од Ирак, тој кажа дека администрацијата на претседателот Трамп работи на тоа да обезбеди ново зголемување на платите во вооружените сили и нагласи дека истрагата за импичмент го забавува овој процес.
-Герилската политика и бескрајните истраги ги забавуваат работите во Вашингтон, рече Пенс, пренесен од американските медиуми.
Ненајавената посета на Пенс на Ирак е прва ваква на највисоко ниво откако пред два месеца Трамп го нареди повлекувањето на американските сили од Сирија.
