Од ноќеска на полноќ бензините ќе поскапат за половина денар, а дизелот ќе поевтини за еден денар, соопшти Регулаторната комисија за енергетика. Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за половина денар, на 68,5 односно на 70,5 денари за литар. Дизелот ќе поевтини за еден денар на 61 денар за литар.
И Екстра лесното масло за домаќинство ќе поевтини за еден денар на 50 денари за литар.
Малопродажната цена на мазутот М-1 НС се намалува за 0,388 денари на 32,957 денари за килограм.
