АД Електрани на Северна Македонија на посебна седница на Управниот одбор донесе одлука да донира 3.000.000 денари помош за настраданите во земјотресот во Албанија од 26.11.2019г. Средствата ќе бидат уплатени на наменската сметка за помош која е отворена од Црвениот крст во нашата земја, по повод овој трагичен настан.
Исто така, генералниот директор на АД ЕСМ, Васко Ковачевски упати писмо до генералниот директор на државната електро-енергетска компанија на Албанија, КЕШ, Бенет Беци, во кое изрази длабоко сочуство за загубените животи и за трагедијата која ја погоди земјата.
Како деловни партнери од две пријателски држави, Ковачевски понуди секаква помош која е потребна и која АД Електрани на Северна Македонија може да ја пружи во овие тешки моменти за да им се излезе во пресрет на граѓаните од загрозените подрачја.
