Три лица загинаа, а шест се тешко повредени во сообраќајна несреќа која се случи во 10 часот на автопатот Белград – Ниш, во близина на местото Горња Трнава. На местото на несреќата може да се забележи една вознемирувачка глетка: белото комбе кое потполно е смачкано на задниот дел по ударот од камионот и телата на загинатите кои се покриени со црни кеси.
Околку комбето се растурени делови од смачканото возило, а стотина метри подолу е паркиран и шлеперот кој, како што се сомневаат надлежните, пред тоа удрил во комбето кое стоело на лентата за запирање. Товарното возило било од Кралево, а комбето од Крагуевац. Во комбето се превозувале 11 лица.
