Јапонската полиција уапсила пензионер во Токио кога се јавил 24.000 пати во службата за поддршка на корисници на најголемиот јапонски телефонски оператор жалејќи се дека компанијата не го почитува склучениот договор.
Полицијата навела дека минатата недела го привеле 71-годишниот Акитоши Окамото затоа што за осум дена направил стотина бесплатни повици до службата за корисници на операторот КДДИ.
Медиумите пренесуваат дека Акитоши направил не стотина, туку илјадници повици од јавни говорници и изразувал незадоволство од работата на компанијата и притоа ги навредувал вработените.
„Барал од вработените да му се извинат затоа што компанијата не го почитувала договорот. Исто така, честопати веднаш ги прекинувал повиците кога ќе се јавел операторот“, рекол портпаролот на полицијата.
Тој е уапсен под сомнение дека со лажни изјави ја попречувал работата на компанијата.
