Раководството на францускиот фудбалски шампион Пари Сен-Жермен се одлучи за тоа кој ќе го замени напаѓачот Нејмар, ако тој сепак се врати во Шпанија.
Според „Франс фудбал”, спортскиот директор на ПСЖ, Леонардо има намера да го покани во клубот Садио Мане од Ливерпул.
Според изворот, парижаните ќе бидат активни на трансфер пазарот следното лето, бидејќи неколку играчи можат да го напуштат клубот одеднаш. Приоритетна цел во случај на заминување на Нејмар ќе биде 27-годишниот Сенегалец Мане, кој го зазеде четвртото место во неодамнешниот избор за наградата „Златната топка” кој аму припадна на Лионел Меси.
