Во градот Добој во БиХ викендов се случила страотна сообраќајка во која пешак со многу среќа успеа да се спаси од фатални повреди.
На снимките кои ги објави порталот „MojДобој.инфо“, се гледа пешакот кој оди по тротоар додека од далеку се приближува едно возило.
Во рок од неколку секунди по тој автомобил се појавува уште еден, обидувајќи се да го претекне. Во истиот момент, првото возило се обидува да сврти лево и тогаш се случува страшна сообраќајка, која пешакот го заобиколува за само неколку чекори.
Хрватски „Индекс“, повикувајќи се на информации од локалните портали, пренесува дека во едно од оштетените возила било и дете, но дека во инцидентот нема сериозно повредени.
