Генералниот секретар на СДСМ, Љупчо Николовски упати телеграма со сочувство до семејството, пријателите и почитувачите на делото на професор д-р Ѓорѓи Филиповски.
–Со голема тага ја примив денешната тажна вест. Изразувам искрено жалење и сочувство до семејството и пријателите за загубата на Ѓорѓи Филиповски, татко, сопруг, професор, основач на МАНУ, прв Ректор на УКИМ, голем човек и мој пријател. Сочувствувам со Вас и вашата болка. Заминувањето на Филиповски во вечното почивалиште е загуба за сите нас и за македонската наука.
Нашата држава загуби врвен професионалец, основач на МАНУ, прв Ректор на Универзитетот св. Кирил и Методиј во Скопје и прв Декан на Факултетот за земјоделски науки и храна, темелник на македонската наука и истакнат член на академската заедница.
Се надевам дека ќе најдете сила и утеха во значајноста на делото што го остави зад себе на полето на образованието и науката.
Неговото дело останува трајна вредност, патоказ и мотив за сегашните и идните генерации” стои во телеграмата на генералниот секретар Љупчо Николовски.
