Голманот на Баерн Минхен и на Германија, Мануел Нојер, вели дека е подготвен да учествува на Европското првенство во домашни услови во 2024 година.
– Сега останува отворено прашањето за продолжување на кариерата во националниот тим. На прво место ќе го следам моето здравје, ќе се обидам да бидам фит и да видам дали продолжувам да уживам во играта. Но, сега сакам да кажам дека сум подготвен да учествувам на домашното Европско првенство. Јас сум фит и подготвен, рече Нојер, цитиран од „Кикер”.
Оваа сезона, 33-годишниот голман учествуваше на 17 натпревари во германскиот шампионат, дозволувајќи 17 гола и пет пати ја задржа мрежата сува. Баерн е трет на табелата со 33 поени.
