Црвена ѕвезда е казнета од Европската фудбалска асоцијација (УЕФА) со 50.000 евра за кршење на финансискиот фер-плеј. Во образложението на санкцијата за белграѓани на интернет страницата на УЕФА е наведено „доцнење со исплати на заостанати побарувања”.
На тапет во УЕФА се најдоа уште два клуба. Олимпија од Љубљана, за истата причина како и Црвена звезда, ќе мора да плати 75.000 евра додека најлошо мина Ордабаси.
Казахстанскиот клуб е казнет со 100.000 евра. Згора на тоа доби и едногодишна условна суспензија што нема да биде активирана доколку до 31 јануари приложи доказ за подмирување на сите побарувања заклучно до 30 септември.
