Националната аеронаутичка и вселенска агенција (НАСА) денеска лансираше четворица астронаути до Меѓународната вселенска станица (МВС) со ракета и капсула кои се за повеќекратна употреба.
Астронаутите се од три земји, лансирањето беше од вселенскиот центар Кенеди на Флорида и капсулата „Крју драгон” се очекува да се припои со станицата рано во сабота.
Се работи за ракетата за повеќекратна намена „Фалкон-9″ на компанијата Спејс Икс. Ракетата успешно се врати на пловечка платформа во Атлансткиот Океан. Ова е втора употреба на оваа ракета.
Повеќекратната употреба помага да се намалат трошоците за вселенската програма на НАСА. Ракетата е произведена од СпејсИкс, компанијата има склучено договор за соработка со НАСА вреден повеќе милијарди долари.
Мултинационалниот екипаж е составен од астронаутите на НАСА, Шејн Кимброу и Меган Мек Артур, Томас Пескет од Европската вселенска агенција и Акихико Хошиде од Јапонската агенција за вселенски истражувања.
Ова е првпат НАСА да користи повеќекратна ракета и капсула за испраќање свои астронаути на МВС.
They’re on their way! @Astro_Kimbrough, @Astro_Megan, @JAXA_en‘s @Aki_Hoshide, and @ESA‘s @Thom_Astro launched aboard their @SpaceX Crew Dragon at 5:49am ET this morning. Docking with the @Space_Station is at 5:10am ET, Sat., April 24: https://t.co/2IUIyZAJsp pic.twitter.com/1KLp5icpbK
— NASA (@NASA) April 23, 2021