Првиот од седумте голови што Манчестер сити ги постигна вчеравечер против Лидс (7:0) во рамки на 17. коло во англиската фудбалска Премиер лигата беше јубилеен 500. под водство на Пеп Гвардиола.
Шпанскиот стратег го презеде Сити во летото 2016 година, а стана тренер со најбрзо „постигнати” 500 премиерлигашки голови до кои неговиот клуб дојде во 207 натпревари, со просек од 2.4 голови по натпревар
Втор на листата е тренерот на Ливерпул, Јирген Клоп, кој до 500 голови во Премиер лигата дојде по 234 натпревари, додека трет е Алекс Фергусон кому на клупата на Манчестер јунајтед за 500 првенствени голови му беа потребни 265 натпревари.
