Американскиот Конгрес не бил известен и не овластил за напад на американските трупи против командантот на специјалните сили „Кудс” на Иранската револуционерна гарда, генерал Касем Сулејмани, јави телевизискиот канал Фокс Њуз.
„Сулејмани беше одговорен за незамисливо насилство и светот е подобар без него. Но, Конгресот не даде дозвола за напади и Американците не сакаат војна со Иран. Сега мора да се преземат сите мерки за да се заштитат нашите сили од речиси неизбежна ескалација и зголемен ризик”, предупреди Адам Шиф, претседател на Комисијата за разузнавање.
Пентагон потврди дека американските воздушни сили испукале ракети во раните утрински часови во близина на аеродромот во Багдад, при што загина Касем Сулејмани, командант на специјалните единици на Исламската револуционерна гарда на Кудс. Прес-службата на Министерството за одбрана на САД исто така соопшти дека операцијата е извршена по наредба на американскиот претседател Доналд Трамп.
