Американскиот државен секретар, Мајк Помпео, објави на „Твитер“ видео во кое тврди дека Ирачаните го слават убиството на високиот ирански командант Касем Сулејмани.
„Ирачани играат на улица славејќи ја слободата, благодарни што генералот Сулејмани го нема“, напиша Помпео.
Iraqis — Iraqis — dancing in the street for freedom; thankful that General Soleimani is no more. pic.twitter.com/huFcae3ap4
— Secretary Pompeo (@SecPompeo) January 3, 2020
Командантот на Иранската револуционерна гарда беше убиен утрово во американски воздушен напад во Ирак, под наредба на американскиот претседател Доналд Трамп.
Сулејмани беше командант на елитната единица „Кудс“ на Иранската револуционерна гарда, задолжена за тајните ирански операции во странство.
