Генералниот секретар на НАТО, Јенс Столтенберг, денеска најави дека земјите што ја поддржуваат Украина мора да се фокусираат не само на испраќање ново оружје во Киев туку и на испорака на муниција за постарите системи и помагање во нивното одржување.
„Исто така, мора да бидеме свесни дека покрај новите системи, мораме да се фокусираме и на обезбедување дека сите платформи што веќе постојат да може да функционираат правилно“, изјави Столтенберг за „Ројтерс“ на маргините на состанокот на министрите за одбрана, посветен на вооружувањето на Украина.
Водачите на НАТО и претставниците од 50-ина земји се состанаа денеска во воздухопловната база Рамштајн на последниот од серијата состаноци за договорени пакети со вооружена помош за Киев, пренесе „Танјуг“.
