Еколозите стравуват за иднината на уникатниот животински свет на Островот на кенгурите на југот од Австралија, по големите пожари во кој се проценува дека загинале илјадници коали.
Уште поголема е загриженоста за униканите марсупилан глувци „дунарт“ како и сјајниот црн какату, редок вид на птица која живее на островот.
Според официјалните лица, досега изгореа преку 155.000 хектари, или околу една третина од островот – со пожари концентрирани во западните области богати со биодиверзитет.
Загрозена е популацијата од сјајните црни какатуа, кои се цел на дведецениска работа да се зголеми нивниот број од околу 150 во 1990-ите до сегашните 400 според последните податоци.
Еколозите стравуваат дека во пожарите настрадела половин од популацијата на коалите, кои на островот се донесени во 1920 и нивниот број е околу 50.000, односно дека изгореле 25.000 единки.
