Најмалку три лица загинаа при силно невреме што ги погоди југоисточните делови на Соединетите Американски Држави, соопштија властите во Луизијана.
Според канцеларијата на шерифот, телата на една постара двојка биле пронајдени во близина на срушена приколка и во тек е потрагата по евентуални жртви.
Исто така се тврди дека е оштетен покривот на едно средно училиште во Бентон и дека сите простории биле поплавени.
Пријавено е дека десетици илјади домаќинства останале без електрична енергија во јужниот дел на САД.
Националната метеоролошка служба утрово издаде предупредување за торнадо во Мисисипи, пренесува „АП“.
Полицијата од Далас соопшти дека едно лице загинало кога невремето однело автомобил.
Неколку торнада уништија домови во Арканзас и Мисури и предизвикаа штета во Оклахома во бран бури што ја зафатија јужна Америка во текот на викендот.
Националниот центар за предвидување бури вчера објави дека повеќе од 18 милиони луѓе во Луизијана, Арканзас, Тексас и Оклахома се изложени на зголемен ризик од невреме, вклучувајќи тешки торнада, поплави и налети на ветер кои можат да надминат 80 километри на час.
