Лавина во градот Херат, на крајниот запад од Авганистан, усмртила шест лица кога огромно количество снег се спуштило врз една куќа, јави аганцијата Анадолија .
Јајлани Фахрад, портпаролот на гувернерот на Херат, изјави дека веќе со денови во ова подрачје паѓа снег, заради што е парализиран сообраќајкот во речиси целиот град.
Тој додаде дека врз една куќа во Херат се урнало огромно количество снег и притоа погинале шест лица, по што локалните власти презеле итни мерки за расчистување на снегот.
Државната управа за заштита и спасување соопшти дека снегот постојано паѓа во вкупно 13 авганистански покраини.
Заради големите снежни врнежи е затворен и тунелот „Саланг”, што води кон главниот град Кабул, како и некои други патни правци.
На меѓународниот аеродром во Кабул доаѓа до повремени одложувања на летови заради снежните врнежи.
Метеоролошката станица во Кабул соопшти дека во некои делови на земјата снегот достигнал височина од еден метар.
