Актерот Бранислав Лечиќ по информативниот разговор во полицијата во врска со обвинувањата на неговата колешка Данијела Штајнфелд дека ја силувал, изјавил за Танјуг дека е задоволен од професионалниот пристап што го покажале службениците на полициската администрација изаменик-јавен обвинител.
– Мојата изјава беше дадена таму каде што требаше да биде. Полиграфското испитување е извршено на мое експлицитно барање, а сите информации што јавноста ги интересира во врска со овој случај може да се најдат на тие адреси – полицијата и обвинителството, рече Лечиќ.
Тој ги повика сите медиуми повеќе да не го контактираат на оваа тема, бидејќи нема да дава изјави. Тој смета дека полицијата и обвинителството треба да дадат дополнителни одговори на оваа тема.
Претходно, портпаролот на Вишото јавно обвинителство во Белград, Ивана Ракошевиќ, за Танјуг изјави дека Лешиќ дал изјава во полиција во својство на граѓанин, во која тој целосно ги негирал наводите на Даниела Штајнфелд.
-Вишото јавно обвинителство во Белград продолжува да собира докази, со цел да донесе одлука за понатамошниот тек на постапката, додаде Ракошевиќ.
Според информациите, Лечиќ одговорил на сите прашања што му биле поставени и го поминал полиграфот. Како што неофицијално седознава, тој одговорил НЕ на прашањето „Дали ја силувал актерката Даниела Штајнфелд“, а полиграфот го означил одговорот како вистински.
Штајнфелд го обвини актерот дека ја силувал во 2012 година.
-Само за моите сопартијци кои останаа со мене и за сите луѓе што останаа со мене, тие знаат дека Лечиќ може само да лекува и во никој случај не може да труе и силува. Знајте дека давав изјава седум и пол часа, дека сè одеше професионално и дека го поминав полиграфот, рече Лечиќ во краткиот видео клип кој може да видите тука
