Утрово во земјава температурите беа под нулата. Најстудено беше во Берово каде се измерени -7 степени, а во Крива Паланка, Битола и Скопје-Петровец -5 степени. Најтопло беше во Дојран со 0 степени.
Во Штип, Прилеп, Лазарополе, Куманово, Демир Капија, Струмица, Маврово се измерени -4 степени, во Охрид, Тетово, Претор, Дебар – 3, и во Крушево и Гевгелија – 2 степени целзиусови.
Висината на снежната покривка измерена во 7 часот изнесува 18 сантиметри во Попова Шапка и 2 сантиметри во Маврови Анови.
Времето денеска ќе биде сончево со мала до умерена локална облачност, во текот на денот ќе има извесно зголемување на облачноста. Ќе дува умерен ветер во источните делови од југоисточен, а во јужните делови од од западен правец. Максималната температура ќе биде во интервал од 5 до 13 степени.
Во Скопје, сончево со мала до умерена локална облачност и со слаб до умерен ветер од југоисточен правец. Температура ќе достигне до 9 степени.
