На бродот „Ареса“ во Венецуела се запленети еден тон, а потоа уште четири тони кокаин и уапсени се црногорски државјани, соопшти црногорската полиција.
Како што претходно беше објавено, бродот „Ареса“ е лоциран и следен по целата негова рута долж Јужна Америка, со посебни мерки за надзор на секое пристаниште за влез и за излез.Откако добиле оперативни информации дека кокаинот бил „натоварен“ на „Ареса“, Кралската холандска морнарица го пресретнала бродот во Аруба и започнала детално пребарување, што сè уште трае, соопшти полицијата.
Тие, наводно, уапсиле црногорски државјани кои биле членови на екипажот, пренесува РТЦГ.
Се сомневаат дека кокаинот со овој брод од Колумбија требало да се прошверцува во едно од пристаништата во Западна Европа. Медиумите јавуваат дека станува збор за Грција.
