Границите за сите странски државјани ги затворија Унгарија, Чешка, Кипар, Данска, Литванија, Латвија, Полска и Словачка.
Австрија и неколку други земји ги затворија границите делумно и воведоа дополнителни гранични контроли.
Денеска и Германија се приклучи на групата, затворајќи ја границата со Австрија, Данска, Франција, Луксембург и Швајцарија.
Товарниот сообраќај меѓу Германија и нејзините соседи треба да продолжи да тече нормално. Исклучени од забраната се и луѓето кои треба да ја преминат границата за да заминат на работа, пренесе германската агенција ДПА.
Словенија ја затвори границата со Италија, а делумно е затворена и границата помеѓу Италија и Швајцарија.
Глобално, Соединетите држави им забранија на странците кои доаѓаат од Ирска и Велика Британија да влезат во земјата. Забраната стапува на сила во вторник. Забраната за влез во САД за патници од Шенген зоната во САД стапи на сила во саботата.
Џибути, Гана, Хаити, Кенија, Либија, Мароко, Србија, Танзанија и Тунис исто така имаат или целосно затворени граници или забрана за летови од Европската унија.
