Кошаркарскиот Куп на Македонија во иднина ќе го носи името на неодамна трагично загинатата легенда „Благоја Георгиевски – Буштур“, одлучи Управниот одбор на федерацијата на својата вчерашната седница.
-Куп натпреварите кои се одржуваат секоја година и се дел од календарот на федерацијата, се именува како “КУП Благоја Георгиевски – Буштур“ во чест на нашата легенда, кој прерано нè напушти, а притоа остави големо спортско наследство на сите понатамошни генерации – се вели во соопштението од КФСМ.
