Лидерот на СДСМ, Зоран Заев на Фејсбук најави нов пакет економски мерки, за справување со економските последици од пандемијата на коронавирус.
„Ќе бидеме земја со најголема помош во регионот по глава на жител за санирање на економските последици од глобалната пандемија со коронавирусот.Подготвивме мерки за поддршка на стопанството, на фирмите, работниците и граѓаните, првично насочени кон трите најпогодени сектори – угостителството, туризмот и транспортот. Наскоро ќе излеземе со нов, огромен пакет економски мерки.
Наша цел е компаниите да ги одржиме ликвидни и стабилни, а вработените да останат во фирмите. Ние сме држава во развој, но подготвени ја пречекуваме оваа криза, следува поместување на плаќањето на кредитите и одлагање на извршувањата од извршителите“, најави Заев.
