Во Кина се пријавени 30 нови потврдени случаи на коронавирус, а три лица починаa во последните 24 часа, соопштија здравствените власти во земјата.
Комисијата за здравство соопшти дека се пријавени 11 нови сомнителни случаи.
Вчера 213 лица биле испишани од болниците, додека бројот на сериозни случаи е намален за 36.
„Вкупниот број на потврдени случаи на кинеското копно до вчера вечер достигна 81.669“, соопшти Комисијата, наведувајќи дека 76.964 лица закрепнале од почетокот на епидемијата, а 3.329 починале.
Комисијата соопшти дека 17.436 блиски контакти на заболени сè уште се под медицински надзор, а вчера над 1.869 лица завршило медицинското набудување.
Коронавирусот првпат се појави во Вухан во Кина на крајот на декември минатата година.
