– Бројот на граѓани во самоизолација во Пијанечко-малешевскиот регион за изминатото деноноќие изнесува 28 лица. Најмногу самоизолирани според надлежните, викендов има во Македонска Каменица, додека најмалку во Пехчево.
– Бројот на самоизолирани од околината поради КОВИД-19 во овие две општини изнесува 19 лица, од нив 16 се во Македонска Каменица, додека само тројца во Пехчево. Во Берово во самоизолација се девет лица, додека во Делчево денеска нема лица кои се наоѓаат во самоизолација. Бројката варира во зависност од тоа на колку лица им поминал рокот за задолжителна самоизолација од 14 дена, информираат надлежните.
Генерално, во овие општини се почитува повеќечасовниот карантин, со тоа што дел од граѓаните се во можност да ги завршат пролетните обврски во своите домови.
Граѓаните кои имаат дворови или мали градини со фолии го искористија времето за садење, претежно раноградинарски култури – лук, марула, млад кромид.
Четирите најисточни општини, Делчево, Македонска Каменица, Берово и Пехлево се меѓу ретките каде се уште нема позитивен случај на КОВИД-19.
