Во последните три недели, во јужниот дел на Аргентина се пронајдени останки на уште 12 јужни китови, пишува весникот Кларин, повикувајќи се на Институтот за заштита на китови.
Претходно беше соопштено дека се пронајдени 18 мртви китови.
Според истражувачите, четири од 30 мртви китови биле млади. Причините за нивната смрт се уште не се утврдени.
Според една од верзиите, тие угинале поради црвената плима – феномен придружен со изобилство на отровни алги. Сепак, експертите не ја исклучуваат можноста животните да умреле од различни причини, бидејќи угинале во различно време, според проценката за степенот на распаѓање на нивните тела.
Првиот мртов кит е пронајден на 24 септември на полуостровот Валдес, каде што животните доаѓаат да се размножуваат. Обично во текот на сезоната, која започнува во мај и завршува во средината на декември, долж брегот се наоѓаат околу 70-100 мртви китови.
Сега, сепак, експертите се изненадени кога пронајдоа голем број мртви китови за краток временски период и присуство на млади меѓу нив.
Истражувачите посочија дека тие ги преброиле само труповите исфрлени на брегот. Затоа, бројот на мртви китови можно е да биде поголем.
