Министерката за правда Рената Дескоска преку видео-конференција со нејзини колеги од неколку европски држави споделила искуства поврзани со справување со ситуацијата со Ковид-19, кои пред сè, се однесуваат на правосудниот и затворскиот систем.
Од Министерството за правда соопштија дека таа во своето обраќање, истакнала дека мерките коишто се преземаат во областа на правдата во земјава, се мерки и решенија коишто во голема мера се идентични со оние од европски држави.
– Дескоска потенцираше дека во поглед на постапувањата во судовите и обвинителствата, Република Северна Македонија ги искористила искуствата од Австрија, според кои судовите и обвинителствата постапуваат исклучително само за итните предмети и оние за кои постои опасност од застарување, наведоа од Министерството.
Имено, министерката за правда ги споделила искуствата и решенијата преземени во поглед на запирањето на извршувањето, со кои им се помага на граѓаните во овој тежок период.
На видео-конференцијата учествувале австриската министерка за правда Алма Задиќ, албанската министерка за правда Етилда Ѓонај, претставници од српското и босанското Министерство за правда, директорот на Одделот за ЕУ и меѓународни односи од Министерството за надворешни работи на Холандија, Роб Хујсер, како и претставници од италијанското и француското Министерство за правда.
https://www.facebook.com/deskoska.renata/photos/pcb.2888980817881799/2888974984549049/?type=3&__tn__=HH-R&eid=ARA7f8O2H0GF4uxp4pXn433yknfII4aANJBz44JEubova8lfuopg6y0B4YxhwSPqmXXZzOoOxJzPlMF2&__xts__%5B0%5D=68.ARDA7GiPClwZptoxzjsWz1ceocJ_abzWecgCAcKAxSzbHuxYYQgEZUIY-0dx67AtVriHUqAMoayKVqefnkCEFD00QonG9EuqfbMoFyOCKq0GEk0v9AAUU5tk17uc3T9lFgxBYYPJXGb0W9GJyDnUDUzSkHEhMWOe6TkJcnFZVn2ChuiWRO7xopTuZBcllVI0jk5Kgm-U9MiXPMU9HAYVsn3NMBH-D_P0BCMmrK8_lCgAqFs77TRYWR5Z2q-XTjlfMe_esCgQNFIRyap-Y3UxkDjarWpgcZ9ebGY6kmc_14rnzvs023Zhzh54DrEzi_4x6R2FFl1rr8pAnjInRjus0TItz9CB
