Земјотрес со јачина од 5,5 степени го погоди денеска Порторико. Потресот бил почувствуван околу 14 часот, а по него следувале уште неколку со јачина меѓу 3,2 и 4,9 степени по Рихтер. Пријавена е матерјална штета, но нема информации за што точно станува збор. Исто така, нема предупредување за цунами.
„Асошиејтед Прес“ пренесува дека најмалку еден балкон е срушен во градот Понце, кој е најтешко погоден од серијата потреси.
„Сè се тресеше исклучително силно“, изјавија сведоци за АП.
Icónico Museo de la Masacre de Ponce queda prácticamente destruído luego del temblor de esta mañana. pic.twitter.com/rCvm0ITUwj
— El Foro de Puerto Rico (@elforopr) May 2, 2020
Градоначалникот на Гваника, Сантос Седа соопшти дека не се регистрирани поголеми штети. Гваника и Гвајанила претрпеа најмногу штети од земјотресот кој го погоди Порторико во јануари. Тогаш едно лице почина, стотици домови беа уништени, а штетата беше проценета на милиони долари.
„Фала му на Бога, сите се добри. Нашата инфраструктура и онака е многу слаба“, изјави Седа за АП.
