Алексовски: Кој од МВР генерира лаги и ми го руши угледот и интегритетот

Алексовски во претставката до МВР доставува и дополнителни прашања и одговори во однос на злоупотребата на дискреционите овластување на старешини во министерството кои дале наредба да бидеповикан во полициска станица Центар да дадам изјава за непостоечки настан на неовластено снимање.

„Дали и Каде во овие 42 дена е објавена непостоечката снимка за неовластеното снимање на возилата на МВР ? Не постои снимка, а со тоа и нема елементи на неовластено снимање. Дали има пријавен настан? Нема. Дали пред 42 дена полициски службеници мене ме легитимирале, предупредиле, ми наредиле, ме задржале или ме привеле заради било кој основ? Не. Дали полициските службеници, кои патем не се легитимираа ниту преставија дека се од МВР, на лице место констатирале со преглед на мојот и другите телефонски апарати дека сум извршил снимање на возилата на МВР? Не. Иако од моја страна пред сведоци им беше понудено тоа. Едниот од сведоците е полициски инспектор, Албанец кој за цело време на албански јазик збореше со лицата. Лицата мене никогаш не ми се обратија. Дали ми е изречена санкција, прекршок, писмено или усмено предупредување? Не. Напротив, Јавен обвинител истакна дека нема елементи за понатамошно постапување. Што е целта на повикувањето во полициска станица со плански испланиран медиумски линч? Конструкција на случај, Дискредитација и градење на негативна слика во општеството, организирано од структури во МВР и новинарите. Кој е организаторот со злоупотреба на дискреционите овластувања во непрофесионалното и неетичко постапување во МВР :  27.03.2020 изработена службена белешка од оддел за обезбедување во која нема приложени докази за неовластено снимање, ниту пак други акти за извршено полициско овластување над мене. • 30.04.2020 наредба од Ацо Ангеловски за вршење на разговор преку ЕКР Центар – Тони Танчевски кој го задолжил водичот на безбедносен реон Дејан Ивановски.• 04.05.2020 сум повикан во полициска станица Центар каде со мене извршија разговор 3 полициски службеници, Дејан Ивановски кој е водич на безбедносен реон, Даниела која е началник на Превентива и Александар нејзин придружник исто од одделот за обезбедување. Кој медиум прв ја објави веста ?А1.он .Дали пред Порта Македонија има знак за забрането задржување на пешаци, забрането сликање, забрането снимање, забрането разговарање на телефон, забрането групирање на лица ?Не!“ стои во дополнението на претставката.