Австралиската актерка Маргот Роби ќе учи да свири на банџо, а инструктор ќе ѝ биде Маркус Мамфорд, фронтменот на бендот „Мамфорд“.
Маргот, позната по улогата Харли Квин од Suicide Squad („Одред самоубијци“), го купи музичкиот инструмент додека се самоизолира дома среде пандемијата на коронавирусот, а кога своето ново хоби ѝ го откри на актерката Кери Мулиган, таа ѝ ги понуди услугите на сопругот Маркус Мамфорд – фронтмен на британскиот фолк-рок бенд Mumford & Sons – како учител.
Во разговор со Кери за австралиски „Вог“, Маргот рече: „Излегов да си купам банџо! Учам француски и помислив дека сега е право време да земам часови по банџо затоа што отсекогаш сум го сакала тој инструмент“.
Кери одговори: „Јас познавам некој што може да ти дава часови на FaceTime („Фејс тајм“). Тој во моментот многу се досадува и сигурно ќе сака да ти дава часови“.
Додека Маргот (29) се зафати со француски јазик и свирење, Кери, која има две деца со Маркус – Евелин (4) и Вилфред (2), рече дека сака да научи да плете за време на самоизолацијата.
