Менаџментот во Серија А побара измени во протоколот за обновување на сезоната. Покрај малите појаснувања, се чини дека главниот проблем е точката според која, кога ќе се открие заразен фудбалер, целиот тим се испраќа во карантин две недели, а не само играчот, пренесува „Газета дело спорт”.
Според раководството на лигата, ако отстраните две екипи две недели, тогаш првенството нема да заврши не само до 2 август како што е планирано, туку може воопшто да не заврши.
Италијанскиот фудбалски сојуз, кој исто така бара јасно дефинирање на одговорноста на оние кои ќе предизвикаат можна инфекција на играчите, го поддржа ова барање.
