Интегрален текст од изјава на Цветан Трипуновски- дополнителен заменик министер за земјоделство, шумарство и водостопанство, реакција на прес конференцијата на министерот за земјоделство, Трајан Димковски.
Трајан Димковски и СДСМ преку евтин популизам и неефективни мерки се обидуваат да вршат класичен поткуп на земјоделците пред избори. Наместо да се заангажираат и да најдат пласман на земјоделските производи, владата и министрите во неа сакаат со квази социјални мерки да го купат македонскиот земјоделец за избори.
На земјоделците не им треба милостињата на Заев, Димковски и Ангеловска. Земјоделците имаат потреба од организиран и сигурен пласман за нивните производи, работа која Заев ја ветуваше пред избори, а не ја исполни, но и високи откупни цени, кои исто така беа ветени, а сега никаде ги нема.
З години лажат и манипулираат со земјоделците. 3 години земјоделството е на апарати за дишење.
Владата на земјоделците не им го дава ниту тоа што има законска обврска да го даде. Субвенциите доцнат, а неретко земјоделците се оставени без нив и по година или две. Се уште имаме неисплатени субвенции од 2017, 2018 и 2019 година. Ова е срамота. И тоа е работа која треба под итно да биде завршена. Барам итно исплаќање на заостанатите субвенции од минатите години. Земјоделците мора да ги добијат парите кои власта им ги должи.
https://www.facebook.com/tripunovskicvetan/videos/609309769942583/?t=0
СДСМ многу зборува, а малку реализира. Со исплата доцнат и дополнителните мерки и мерките за обештетување на земјоделците од временски непогоди. Власта не мрдна со мал прст за земјоделците од скопско, преспанско, Росоман и други места каде што имаше природни непогоди.
Мерката за зелена нафта, која на големо ја најавуваат не им помага на земјоделците. Земјоделците со мерката добиваат ваучер од неколку стотина денари, пари кои ќе ги потрошат додека да ја однесат механизацијата од нивното населено место до најблиската бензинска станица за да наполнат гориво, и истата нема да има никаков ефект врз крајната цена на производот.
Многу зборови, а нула реализација.
Сите овие квази мерки кои ги предлага СДСМ не го решаваат проблемот на земјоделците, туку само се обид за нивна манипулација.
СДСМ е катастрофа за македонското земјоделство. Потребен е итен план и стратегија како понатаму. Со СДСМ тоа не е возможно. ВМРО-ДПМНЕ има план за обнова на Македонија, кој ќе ја крене државата на нозе и ќе донесе просперитет.
ВМРО-ДПМНЕ е различно од СДСМ. Со СДСМ и Заев добивме хибриден режим, неспособност, криминал и сиромаштија.
Ви благодарам на вниманието.
