Во Турција повторно се отворија ресторани, кафулиња и паркови и укинати се ограничувањата за меѓуградски патувања.
Владата на турскиот претседател Таип Ердоган постепено ги олеснува ограничувањата во последните неколку недели, а властите велат дека епидемијата сега е под контрола.
Повеќе од 4.500 луѓе починале од коронавирус во земјата, а повеќе од 160.000 се заразени.
Ресторани, кафулиња, спортски сали, базени на плажа, паркови, библиотеки и музеи се отворени повторно од понеделник.
Се отвораат домови и градинки, но остануваат ограничувањата за движење на лица над 65 години и под 18 години.
