Раководството на лигата ќе поднесе барање до судот да започне кривична постапка против навивач кој истрча на теренот на вчерашниот натпревар меѓу Мајорка и Барселона, пренесува „Ројтерс”.
Во второто полувреме на средбата, што се одржа без гледачи, навивач во маица на репрезентацијата на Аргентина со името на напаѓачот Лионел Меси истрча на теренот, по што беше приведен од безбедносните службеници.
Во соопштението на раководството на лигата се вели дека човекот го ставил во опасност здравјето на други луѓе.
