Додека спорските натпревари во Европа полека се будат, на другиот крај на светот во Нов Зеланд спортските нетпревари од највисок ранг веќе се играат пред многубројна публика. Натпреварот во рагби-лигата во Нов Зеланд меѓу Оукленд блуз и Ураганите од Велингтон се одигра пред 43.000 гледачи на најголемиот стадион во земјата „Еден парк“ и е најгледан во последните 15 години.
Man of the match: Every one of you. 🙌 Thank you New Zealand, for allowing this to happen!
😍 @BluesRugbyTeam defeated @Hurricanesrugby 30-20 in front of 40,000+ spectators in Auckland to cap off a wonderful return to LIVE sport in New Zealand post-COVID-19 lockdown 👏 pic.twitter.com/W5lD0gzWQs
— Sky Sport NZ (@skysportnz) June 14, 2020
Не само што имало толку многу публика, туку на крајот на натпреварот сите гледачи истрчале на терен кон играчите. Нов Зеланд е една од ретките земји во светот што прогласи крај на епидемијата со целосно ослободување на мерките против Ковид-19.
FANS ON THE FIELD! So good. 🙂 #BLUvHUR pic.twitter.com/YbjUNRIegD
— Super Rugby NZ (@SuperRugbyNZ) June 14, 2020
Рагбито е еден од најпопуларните спортови во оваа држава и љубителите на спортот едвај чекаа да се вратат на трибините.
Претходно, во саботата во Дунедин на југот на земјата, дуелот помеѓу Отаго Хајлендс и Вајкато Чифс (28-27) го следеле 20.000 гледачи.
Нов Зеланд, кој има население од околу пет милиони, пријавил 1.154 заразени и 22 смртни случаи како резултат на Ковид-19.
Во оваа земја, сепак, и понатаму се подготвуваат за евентуален втор бран на епидемија, а мерките на претпазливост во врска со патувањето во странство остануваат на сила.
„Иако сè уште не ја завршивме работата, не оспорувае дека ова е пресврт. Па, можам ли да завршам едноставно: Благодарам, Нов Зеланд“, порача премиерката Џасинда Ардерн.
