Овие избори ќе се меѓник за Македонија, за конечно воспоставување на функционален систем за владеење на правото и силна битка со корупцијата, вели потпретседателот и носител на изборна единица 4 Александар Николовски во гостување во вестите на ТВ Сител.
Николоски смета дека овие избори се најзначајни до сега бидејќи претставуваат конечно воспоставување на ред во Република Македонија, односно како што рече тој со воспоставување на ред во државата значи и подобра економија.
Секои избори се значајни, но сметам дека овие избори се најзначајни досега за конечно во Македонија да се воведе ред. Кога ќе се воведе ред ќе дојде и подобрата економија, побрзо ќе се избориме со корона кризата затоа што ако има ред и ако нема корупција, тоа е за сите. Ако има корупција и нема ред како што е сега и ако се прогледува низ прсти затоа што некој на некому му е партиски другар или му помогнал во нешто или му е важен за избори, тогаш ќе имаме ваква стихија каква што имаме. Ние одиме на овие избори да ги победиме кои што се криминализираа себе, а поради сопствената криминогеност ги продадоа македонските национални интереси и економски ја опустошија Македонија, истакна Николоски
Во однос на програмата на ВМРО-ДПМНЕ, Николоски нагласи дека програмата е изработен од врвни експерти, но дека поради настаната состојба со корона кризата претрпела одредени корекции.
Ќе одиме со презентирање на нашата програма која што е во финална фаза бидејќи направивме одредени корекции поради настанатите состојби со корона кризата. Тоа е програма разработена со врвни експерти, не само членови на ВМРО-ДПМНЕ туку и многу луѓе експерти кои што сакаат да помогнат.
Николоски додаде дека очекува огромна поддршка на 15 јули која што ќе резултира со формирање на стабилна влада предводена од ВМРО-ДПМНЕ.
Очекувам да имаме огромна излезност на 15 јули која што ќе резултира со стабилна влада предводена од ВМРО-ДПМНЕ, изјави потпретседателот Николоски.
