Кина објави дека со Индија е договорено мирно решение за граничниот конфликт во кој на двете страни беа убиени десетици војници. Од кинеското Министерство за надворешни работи тврдат дека судирот следел по провокација и напад од индиските војници.
„Од Индија бараме да се придржува кон нашиот компромис, да ги дисциплинира граничните единици за да не ја преминат границата и да ја отежнат ситуацијата со еднострани дејствија и провокации“, велат извори од министерството.
Најмалку 20 индиски војници загинаа во вчерашниот судир меѓу индиските и кинеските војници во провинцијата Ладакх, на североисток на Индија. Провинцијата се наоѓа на границата меѓу Кина и Индија.
