По пресудата од седум години затвор за Рекет, поранешната специјалната обвинителка, Катица Јанева се соочува и со нова предистрага, овој пат за начинот на кој ги делела бонусите во СЈО, пишува АлсатМ.
Државната ревизија, како што дознава Алсат направила два извештаи за бонусите – еден треба да биде објавен јавно, а другиот е класифициран само за потребите на обвинителството, оти Јанева го прогласила за државна тајна начинот на кој се делеле бонусите.
Ревизорите нотирале недоследности во начинот на исплата на бонусите, кои се детално опишани во класифицираниот документ на ДЗР. Инаку во веќе згаснатото СЈО, се делеа бонуси во илјадници евра.
Најмногу пари за доверливост има земено токму Јанева-157 илјади евра. Останатите специјални обвинители добиле бонуси меѓу 70 и 100 илјади евра.
