Златните глобуси во понеделникот ја одложија својата 2021. церемонија по двомесечното поместување на Оскарите, во најновата промена на холивудскиот календар на настани предизвикана од епидемијата на коронавирус.
Церемонијата „Златни глобуси“, која ја започнува сезоната на доделување филмски награди во Холивуд, ќе се одржи на 28 февруари, наместо вообичаената прва недела во јануари, се вели во соопштението на холивудската асоцијација на странски новинари (Hollywood Foreign Press Association) која ги дели трофеите.
Минатата недела Оскарите, највисоките признанија во филмската индустрија, беа одложени за 25 април од 28 февруари.
Академијата за филмска уметност и наука соопшти дека одложувањето ќе им овозможи на филмаџиите повеќе време да ги завршат своите филмови откако пандемијата на Ковид-19 ја блокираше продукцијата и ги затвори киносалите низ целиот свет во средината на март.
