Прославениот актер Никола Којо (52) наскоро ќе се пресели во Словенија со сопругата Александра и нивните три ќерки, тврди магазинот Глорија.
Истакнатиот драмски уметник, кој зад себе има некои од најпопуларните филмови во историјата на домашната кинематографија, како што се „Лепа села Лепо горе“, „Четврти човек“, „До коска“, „Ние не сме ангели“, „Небесна кука“, „Смрт на човек на Балканот “, итн., наводно, доставил документи за имиграција во оваа земја и, тврди Глорија, очекува дека неговото барање ќе биде решено позитивно во блиска иднина.
Патем, Којо зборуваше за неговата намера да ја напушти Србија со семејството во октомври минатата година за порталот Klix.ba.
– Ќе ви откријам дека се подготвувам да се иселам од тука, иако имам 52 години а сè уште не можам да зборувам за дестинацијата. Не мислам да ја поминувам староста овде, ниту моите деца да растат во една ваква црна дупка, што го голта својот народ – истакна Којо тогаш.
Тој додаде дека неговото семејство, пријателите и работата и неговиот микросвет се важни за него и дека се обидува да ги избегнува „фекалиите околу него“.
– Знам дека звучам песимистички, но јас сум вистински песимист кој согледува според мое мислење на вистинскиот начин – заклучи тој.
